Última actualización: 2026
MathPad non pide rexistro, non ten anuncios e non recolle datos persoais. Os exercicios, as contas que gardas e os teus axustes quedan no teu dispositivo.
Os axustes (idioma, cor, método de cálculo), as contas que gardas cos seus debuxos e a túa racha diaria. Todo iso vive só no dispositivo e desaparece se desinstalas a app. Non se envía a ningures.
Se a app falla, envíase un informe técnico a Sentry para poder arranxalo: modelo do dispositivo, versión do sistema, versión da app e onde se produciu o fallo. Non inclúe datos persoais nin o contido dos teus exercicios. O mesmo ocorre coas mensaxes que envías dende o botón de comentarios.
A foto recórtase ao recadro e procésase para recoñecer a conta. Pode analizarse no propio dispositivo ou enviarse á API de OpenAI unicamente para lela; nese caso non se usa para adestrar modelos nin se asocia a ningunha identidade. As fotos non se almacenan en ningún servidor noso nin na galería.
MathPad pode usala calquera persoa, incluídos menores, e por iso non inclúe publicidade, compras dentro da app, redes sociais nin recollida de datos persoais. Non pedimos nome, correo, idade nin localización.
Cámara: só para escanear unha conta, e só cando abres esa pantalla. Internet: para o escáner e os informes de erro. Nada máis.
Como non gardamos datos teus, non hai nada que solicitar nin que borrar nos nosos servidores. Se desinstalas a app, todo o local desaparece. Para calquera dúbida, escríbenos.
